Кантакт

З 2 студзеня 2023 г. уступае ў дзеянне з дапаўненнямі і змяненнямі Закон Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб» (рэд. ад 28.06.2022).

Закон Рэспублікі Беларусь ад 18 ліпеня 2011 г. № 300-З «Аб зваротах грамадзян і юрыдычных асоб» (рэд. ад 28.06.2022) устанаўлівае падачу ў дзяржаўныя органы і іншыя дзяржаўныя арганізацыі электронных зваротаў і атрыманне адказаў (апавяшчэнняў) на іх з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб (сістэма ўліку і апрацоўкі зваротаў).

 Доступ карыстальнікаў да сістэмы ўліку і апрацоўкі зваротаў забяспечваецца з дапамогай сайта ў глабальнай камп'ютарнай сетцы Інтэрнэт па адрасе https://обращения.бел (інтэрнэт-сайт).

Электронныя звароты грамадзян, у тым ліку індывідуальных прадпрымальнікаў (далей грамадзян), і юрыдычных асоб адрасатам разглядаюцца ў адпаведнасці з Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб».

У адпаведнасці з Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб» электронны зварот выкладаецца на беларускай ці рускай мовах.

Электронныя звароты павінны быць разгледжаны не пазней за 15 дзён ад дня рэгістрацыі, а тыя, якія патрабуюць дадатковага вывучэння і праверкі – не пазней за 1 месяц.

Адказы на электронныя звароты накіроўваюцца ў электронным выглядзе на адрас электроннай пошты, пазначаны ў электронным звароце, альбо ў пісьмовым выглядзе на адрас месца жыхарства (месца знаходжання) грамадзяніна ці месца знаходжання юрыдычнай асобы у выпадках, устаноўленых Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб».

Пакідаюцца без разгляду па сутнасці звароту, якія (па якім):

• выкладзены не на беларускай ці рускай мове;
• не змяшчаюць прозвішча, уласнага імені, імя па бацьку, адраса месца жыхарства (месца знаходжання) грамадзяніна
• не змяшчаюць поўнага наймення юрыдычнай асобы і адраса яе месца знаходжання, прозвішча, уласнага імені, імя па бацьку кіраўніка ці асобы, упаўнаважанага ва ўстаноўленым парадку падпісваць звароты (для юрыдычных асоб);
• змяшчаюць тэкст, які не паддаецца прачытанню;
• змяшчаюць нецэнзурныя альбо абразлівыя словы ці выразы;
• належаць разгляду ў адпаведнасці з заканадаўствам аб канстытуцыйнай судавытворчасці, грамадзянскім, грамадзянска-працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое ывзначае парадак адміністрацыйнага працэса, заканадаўствам аб адміністрацыйных працэдурах, з’яўляюцца зваротамі работніка да наймальніка альбо ў адпаведнасці з заканадаўчымі актамі устаноўлены іншы парадак падачы і разгляду такіх зваротаў;
• змяшчаюць пытанні, якія не адносяцца да кампетэнцыі адрасата;
• прапушчаны без істотнай прычыны тэрмін падачы скаргі;
• пададзены паўторны зварот, калі ён ужо быў разгледжаны па сутнасці і ў ім не ўтрымліваюцца новыя абставіны, якія маюць значэнне для разгляду зварота па сутнасці;
• з заяўляльнікам спынена ліставанне па выкладзеных у звароце пытанням.

Адказ на зварот або рашэнне аб пакіданні звароту без разгляду па сутнасці могуць быць абскарджаны ў парадку, устаноўленым Законам Рэспублікі Беларусь ад 18 ліпеня 2011 года «Аб зваротах грамадзян і юрыдычных асоб».